തൊട്ട് മുൻപ് ഫ്‌ളാഷ് നോട്ടിനെപ്പറ്റി പറഞ്ഞിരുന്നല്ലോ? ഫ്‌ളാഷ് നോട്ടിന്റെ ഒരു പോരായ്മ ഇമേജുകൾ സപ്പോർട്ട് ചെയ്യില്ല എന്നതാണ്. അതിന് പരിഹാരമാണ് ആരും കാണാതെ കിടക്കുന്ന ഈ സോഫ്റ്റ്‌വെയർ. പേര് സൂചിപ്പിക്കുന്നതുപോലെ തന്നെ ഡോട്ട് നെറ്റ് ഫ്രെയിം വർക്ക് സിസ്റ്റത്തിൽ ഇൻസ്റ്റാൾ ചെയ്തിരിക്കണം എന്നേയുള്ളൂ. ഇമേജുകൾ സപ്പോർട്ട് ചെയ്യും, യുണിക്കോഡ് ഫോണ്ട് സപ്പോർട്ട് ചെയ്യും, മലയാളവും , ഇംഗ്ലീഷും മാറിമാറിവരുന്ന നോഡുകൾ ആഡ് ചെയ്യാം. പോരാത്തതിന് ടെക്‌സ്റ്റ് ഫയലുകളെ ഡയറക്റ്റായി ഇംപോർട്ട് ചെയ്യാം. ഉദാഹരണത്തിന് പല ഫോൾഡറുകളിലായി സേവ് ചെയ്ത് വച്ചിരിക്കുന്ന ടെസ്റ്റ് ഫയലുകൾ അതേ ഹൈറാർക്കീയിൽ ആഡ് ചെയ്യാം ; ഫോൾഡറുകൾ നോഡുകളയി മാറുന്നു, ടെസ്റ്റുകൾ കണ്ടന്റുകളും ആകുന്നു. ഡിഫൾട്ട് ഫോണ്ട് രചന ബോൾഡ് കൊടുത്താൽ വലിയ കുഴപ്പമില്ലാതെ വായിക്കാം. ഇവിടെ നോട്ടോ സാൻ മലയാളം അത്ര കറക്റ്റായി അക്ഷരങ്ങളെ കാണിക്കുന്നില്ല. രചന മാത്രമാണ് ഒരേ സമയം ഇംഗ്ലീഷും മലയാളവും ഹാൻഡിൽ ചെയ്യുന്നത്. ലിങ്കുകൾ ഡയറക്റ്റ് ക്ലിക്ക് ചെയ്യാം, നിരവധി ലാങ്‌വേജുകൾ സപ്പോർട്ട് ചെയ്യുന്നു മുതലായവയും സഹായകരമാണ്. ഓരോ ഡോക്കുമെന്റിനും ആവശ്യമായ ഫോണ്ടുകളും, ഫോർമാറ്റുകളും നൽകാം എന്ന ഗുണവുമുണ്ട്. ഫ്‌ളാഷ് നോട്ടിലെ ബാക്ക് അപ്പ് ( ടെസ്റ്റ് ഫയലുകളായി ഉള്ളവ ) ഇതിലേയ്ക്ക് ഇമ്പോർട്ട് ചെയ്യാം. ചില പോരായ്മകൾ ഉണ്ടെങ്കിലും നിലവിൽ ഫ്രീയായി ലഭിക്കുന്നതിൽ അഗ്രഗണ്യൻ ഇതു തന്നെ. ഇതിന്റെ അപ്‌ഡേറ്റഡ് വേർഷനുകളും മറ്റും ഉണ്ട് എന്നതും പ്രസ്താവ്യമാണ്. ഈ സോഫ്റ്റ്‌വെയറിന്റെ മറ്റൊരു പ്രത്യേകത, വെബ് പേജുകളെ കോപ്പി ചെയ്ത് പേയ്‌സ്റ്റ് ചെയ്യുമ്പോൾ എച്ച്. ടി.എം.എൽ ആയാണോ , പ്ലെയിൻ ടെസ്റ്റ് ആയാണോ പേയ്‌സ്റ്റ് ചെയ്യേണ്ടത് എന്ന് ചോദിക്കും. എച്ച് . ടി . എം . എൽ സെലക്റ്റ് ചെയ്താൽ വെബ് പേജ് പോലെ തന്നെ പേയ്‌സ്റ്റ് ആകും.
വളരെ വലിയ ഡാറ്റാ ആണ് ഒരു പേജിലുള്ളതെങ്കിൽ , കുറെ ഭാഗം ഒഴിവാക്കാമോ എന്ന് സേവ് ചെയ്യുമ്പൊൾ ചോദിക്കും. ഈ ഒരു ഓഫ്ക്ഷൻ ഉള്ളതിന്റെ ഗുണം; നമ്മൾ ക്രിയേറ്റ് ചെയ്ത ഫയലിനെ മറ്റൊരു ഫയലായി വിഭജിക്കാൻ സാധിക്കുന്നു എന്നതാണ് ( കുറെ ഭാഗം മറ്റൊരു പേജിലേയ്ക്ക് മാറ്റിക്കഴിഞ്ഞ് സേവ് ചെയ്യാവുന്നതാണ് )